Cikgu Naim - Cerai Berai (Karut)

Cikgu Naim vs Cik Umar - Cerai Berai

Lirik:

apo balo jong tako nanggung jadi gini lalu

hidup makan air mato supo budok putuh susu

nanggung sapa gini lalu rumoh tanggo cik umar

anok anok hile ibu sian jugok ore ramai

kesoh cerai cik umar kiro kiro doh 10 tahun

susoh pero anok ramai tak cekat dah nok tanggung

susoh benar anok anok tadok kasih saye ibu

tidor male tak jenok makan minum pun tak lalu

putuh kasih saye ibu tadok tempat doh nok manjo

makan minum tak lalu mandi mandi pun tidok rato

tadok tepat nok manjo tadok tepat doh ok gantung

pakat pikir pakat kiro sapo rugi dan sapo untung

jadi demo laki bini jange mudoh lah cerai berai

talok talok ni bare licin mudoh sangat dio relai

saloh berebut rokok daun jange sapa baloh kekoh

pakat isap pakat gulung pakat beli dah mugo murah

berebut selimut tengoh male jange sapa baloh kelahi

pakat buat lebih kure dah ada duit gak g beli

saloh berebut gobek sirih jange sapa kuca haru

royat molek tokke tokleh mokwo mu kakku dulu

ni gak la tokleh tak sedak kalu tak baloh

mu coket aku coket mu latoh aku latoh

kalu kito tu tok tua jange kuca anok anok

kito duduk cara tua ngatik zikir tu biar banyok

bare busuk ado sejekal jange bui jadi sedepo

jange tiru perangai murai mulut lembik kelabu mato

laki bini gitu jugok jange pisoh cari penyakit

kalu berona bini mudo ajok kecek baik baik

pah kito tok laki kena tahu la tanggung jawab

hukum hake keno reti ko bini keno royat

kena tahu tanggung jawab nafkoh zahir batin

jange sajo gosok pusat dok getel kace butir

ingat ingat ibu bapok kena mikir lah 2 kali

rumoh tanggo jange rabok biar kekal sapa mati

keno ingat maso kasih adik rindu abang sayang

kalu takut ayoh murih kito jupo woh pohon mace

adik rindu abe saye dok berepek supo blakah

ikut abe nok pege tinggi mano abe nok rukah

kisoh cerai ibu bapok anok anok lah huru hara

ya duk jadi belia lepok tepi jalan tu duduk bersilo

hari ni lagu mano cubo tengok belia lepak

anok jate cucuk telingo ore tino palo botok

buke stakat kutu lepok timbul pulok bohsia

supo telur jatuh sakok supo aye hok ibu tinggal

peel peel bohsia sapo dio gak nok tanggung

ikut jate wat hungga ajok main conget cakdung

sapo dio nak tanggung tanyo kabar minum make

sapa kepek doh hidung hidung nyo suling ko bapok setan

pasal tu ari ni buang anok banyok sangat

dale longkang kalbok semin dale supit jabir rokrat

soal soal buang anok dasat sungguh pokteh pakcu

sajo gelenya nok seronok tadok otok nya gitu lalu

beranok beranok demo tingga dale jabir dale supit

supo nyawo ado jual potongan hargo supomarket

cubo tengok ibu kambing dio beranok dio jago

manusia tokleh mikir ado otak sajo sajo

cubo tengok ibu aye jago anok susoh payoh

kalu kosek dio terke perat bisul gak bisul pecah

pah mu cik umar ni aku nak bagitahu

kalu mu anok ramai tokse pero mu bui kakku

anok aku jago baik dok jago siang male

seko nyamuk tokleh ketik aku bui kasih saye

nok skoloh atar skoloh atar ngaji tinggi tinggi 

bilo besar jadi mudoh ado sijil make gaji

kalu tadok pelajaran jadi supo putung kayu

wi ko aye make itik tokse tak sudu  ....